Me papà xe un tipo strano, e le ga tute!
Eo go visto fare par mi dele robe oposte: dae prove de amore pi grandi a quee che te fa girare i cojoni.
Lo go visto fare 1200 chiometri in un giorno para che no me tocase fare el trasloco da soo eo go sentio sigar come un mato parchè secondo iu jero drio tirare soto na vecia chea jera a do metri fora daea strada.
Mi eo go sempre chamà Elio e no papà parchè, quando jero picenin e gavevo gli incubi de note, me mare no a se svejava gnanca coe bombe ju el se alsava sempre.
Pero xe anca vero che i me cugini i jera disposti a pagare el biglieto para vedere come che el sigava quando ndaimo al ristorante e el me eassava guidare.
Realmente podaria continuare co’ ‘sti esempi un bel fià come quando semo ndai in Scozia e lu el dixeva che jera colpa mia se lu el se perdeva o come quando xe vegnù a torme a Ginevra dopo tuto el casin che go fato in India.
Pero el punto no xe questo.
El punto xe che me papà no soo no me ga mai fato mancar gnente senò che a so maniera el me ga da anca ea mejo definision de quea che xe a me natura: so roerso!
E anca se a xente noa capisse queo che vol dire la roba importante xe che lo capissa ju, parchè fin quando no go capio che so roerso no so riuscio a provare veramente a essere felice.
E xe per questo che scrivo sto post, parchè anca se lu el dirà che no se capisse gnente e che parchè scrivo en dialeto se no so bon, el savarà che ea me ricerca dea felicità a xe posibie in buona parte grasie a ju!
Eora prima che el se comuova e che el mova e recie: buona festa del papà Elio, te si un rompi cojoni pero te si anca el mejo pare che poteva capitarme e mi so proprio orgoglioso de queo che ghemo!
Santa Cruz, 19 Marzo 2008
Nessun commento:
Posta un commento